وا حد السلام عليكم

 

ماشكيت عليكم والشكوى لله نهار 27/05/2008 سخن علي راسي وانا بديت ندير الاستفزاز لولاد بلادي خوصوصا البوليس هدف كان زيارة لي الحبس المدني ولاد بلادي نعاود ليكم هدا الفلم كي الخرافة

"الشارجان شاف  زيكس" يديه تقيلة ولد الدين أمنوا كان كي تريني الحديد من بعد ما لبسونا القفطان الليموني قر علينا الحكم السيد "عبدوا وان" المكنى" خارج نطاق التغطية " حكمت المحكمة المدنية بموجب قانون رقم هز طلق زن طق أنه تم الحكم عليك بالسجن لمدة 2  يوم قابلة لتجديد حسب المرسوم الوزاري رقم ( عدى عدى حك جر عدى عدى حك جر ) الخ الخ

سالينا من اعلان الحكم جا "المردة زبوكر والمجهول الهوية" داونا لي للادارة فين درنا البصمات عند "المقدم بولك" ( قالي فوك سخون سياسة شفتي فين كا تجيب ) تلاقيت في مكتب الضبط مع ضباط الصف تانين كي نشو الدبان في البروا أو كاين حتى  الموظفون الا شباح وحد القنت مظلم أو بابوا حديد سولت "الشاف زبوقز" قا لي راه تماك مول السيت ساد على راسوا زاد قال أن هداك الباب كي تحل غير نهار العيد و في رمضان و في نهار الاضرابات و نهار الحكم بالاعدام الخ الخ ....

خرجنا من البيروا و مشينا لسجن و حنا غادين بشوية كن لقى المحابيس خوتنا كل واحد مسكين شحال حكمين عليه هزيت راسي كي بانوا لي السميات بلا ما ندكرهم مساكن بحالي مظلومين لوووووول .

من الملاحظات لي بانت لي وانا غدي معا داك جوج قرودة هي كاين واحد جيهة مسمينها العنبر الموت فيها شوحدين غاملين قالوا لي راه هدوك ءاعدام 3 سنين هدي أو مازال تفكروهم و نا معا لوجه عندي معندواش علاش  يحشم قلت لي "شاف المجهول الهوية" هاك 100 درهم اماراتية أو خليني نشوف أو هو ينقز "شاف زبوكز" قالي على هدا الرشوة غدي نزيدواك 10 سنين أعمال شاقة وزاد قالي الكاريان راه خاوي خاص لي يهرس فيه الحجر وأنا نسد فومي باااااااركة علي غير نهار

وحنا غادين و الكلوار ما بغا يسالي شوية نقز واحد الحباس قال لوح شي كازا سبور وانا نجبد ليه عرق سوس شافوا "شاف زبوكز" قالي ممنوع أو داروا فموا (بيني أو بينكم علم الله فين داز داك عرق سوس ) بدى كي تبنن مسكين عجبوا الحال ...

وصلنا لي الكاشوا 4 * 2 متر  على ما بان لية حلوا الباب الالكتروني ساروت هي عطسة " المجهول الهوية" ولكن ماجاتوش فى الوقت المناسب جبد "الشاف زبوقز" النفحة أو قال ليه جر أو رد علي الخبار

"شاف المجهول" جر ولكن ما دات منوا والوا واحد شوية جا "المقدم فوكس" أو هو  يتحل  الباب بوحدوا (و انا نقول مع راسي حرايمي بفايلوا ما كذبش ) تحل الباب تسد وحدوا ثاني من عند الله  رجعوا هما لبروا يعسوا أنا بقيت بوحدى كن حسب في سراق زيت و أنا نتفكر راسي في الحياة العادية كن سد على عباد الله بهال هد الحالة

ولكن القافز هو لي يدير بري زن بريكككك لووول .

 

دااااااااااااااااااااااااز الوقت

 

 

 

دااااااااااااااااااااااااز الوقت

 

 

 

دااااااااااااااااااااااااز الوقت

 

 

دااااااااااااااااااااااااز الوقت

 

 

 مواقف عابرة : شوي كن سمع الهدرة جاية كي قول جبدوا الطباسل "لمكرد" لا بس شورط عاد جاي من تيران أو هو بدا  يقول وقت العلف ( طبق اليوم العدس مخضر بسراق زيت وصفة خاصة من عند مولاة الكوزينة في السيت "الجبارة مجيدة" ) سالينا العلف كلى بدى راسوا يغني هلي جر جهت الشاليلي  هالي بدا يدندن بحدوا  كل بدى يرون في جيهة شويا ناض "الكومندوا Administration"  لابس القناع كايدور ( كادور في الحومة كادورلا بسة الميني كادور ) لابس الكحل فى الكحل كي الغراب ( شنو سميت هد المومبر ضرني في راسي خاصني مني ندخل نصيفط ليه

(رسالة خاصة  )

 

دااااااااااااااااااااااااز الوقت

 

 

 

دااااااااااااااااااااااااز الوقت

 

 

 

دااااااااااااااااااااااااز الوقت

 

 

دااااااااااااااااااااااااز الوقت

 

 

نكملوا هد الخرافة يا قراء داز نهار ممل حسبنا 33 مليون من الزواحف منها 29 مليون سراق زيت لي بقى متنوع  سلينا الحبس جا "الشاف زبوقز" معصب ( عارفوا ما حاملنيش نخرج) "المجهول الهوية" غير ضاحك ضارب الدنيا بي ركة مسكين راكلاه بلا باسبور

داونا لمكتب الضبط تاني "بولق" بقى كاي عود الزابور ديالوا تاني ( الاداب و الا حترام لا زم و الا غدي نعيطو ليك دوز عندنا نهاية الاسبوع تاني ) حيدنا القفطان الليموني خرجنا للحرية مع الحادية عشرة و 04 دقيقة بتوقيت غرينتش .

 

 

 

تحيا الحريا

 

و الحبس عندكم بطاطة

 

و السلام كان هدا وصف يوم في  السجن المدني ولآد بلادي

 

تمت الكتابة بتاريخ 25/05/2008

 

قصايص بلادي الجزء الأول

لولا على انسان كان من عائلتي سميتوا ,عمر, كان هو خالي معقلتش عليه حيث الوقت فاش مات أنا كنت مازال ما جيت لي هدا الدنيا ...

كان قلب الاسد في أولاد جدي كان كي تابع ديراستوا في الاكاديمية العسكرية لطيران من صفاتوا  ذكي و واعي انسان طيب مع لي يرفقوا أو يهدر معاه ...

كان ليه صاحب عزيز عليه (ولكن صاحب مغيار لانه كان مشي في الذكاء او الهمة ديال خالي لي كان ديما هو لول دراسة ديالوا ) ...

نديروا واحد الوقفة  ونرجعوا بالتاريخ للوراء كان جدي يتيم (اليتم أن الاب ديالوا أختفى في ظروف غامضة  ) "حسن بن أحمد أل وحسين" رباتوا الام ديالوا تا بلغ 15 و  أقل و توفاة الله يرحمها  (و أمناتوا على صريرة ديال الحسني فلوس داك الفترة و قالت ليه هده أمانة ليك ءالى شفيت ردها لي ءالى مت راني راضية عليك دنيا وأخرة ) من بعد تكفلاة بيه جداتوا لي كملات المسيرة او بلغات من العمر حتى تا هي لحقات بالبنت ديالها عند الرفيق الاعلى  و تكفلوا بيه ألاخوال ديالوا لي كانت معاملتهم صعبة و تميزات بالشدة () ... فالولد كافح أو خدم (خماس و رباع المهم كي عمل على طرف الخبز ) ... الافادة كانت الام ديالوا خلات ليه دار لي أستولى عليها واحد ( أحمد بالفقير) من داك البلاد  ... المهم دارت الايام حسن شد عودوا وقوات صحتوا أو تفكر دار ديالوا لي خلات ليه ألام ديالوا على النوطفيات المدفونة في قلب الدار مني رجع لي داروا لقاها مسكونة من طرف ثاني لي رفض يخرج من الدار ... (في هده الفترة تزوج حسن الزوجة لولة ديالوا لي هي جداتنا أنا و بوبكر و شامة )

 دعاه عند النصراني أو الحاكم العسكري داك الساعة (أيام الحماية كانت المشاكل في المداشر و القرى كان نصرني مكلف هو لي كاي حلها ) مشاو عندوا كل قال لي عندوا او هو النصراني قاليهم جبدوا وراقكم لي عندوا عقد الدار هو مولاها ...     

جبد جدي حسن العقد وهو ينود النصراني ضرب أحمد بالفقير و ذفل عليه ولزموا يخوي الدار لمولها الشرعي (بالفقير حلف تايكون ءانتقام) مني جا يتسلم الدار فكر بالفقير يعرض عرض تبادل للبيوت دار بي دار ... قبل حسن العرض ولكن بشرط ياخد منها داكشي لي خبات الام ديالوا فيها ... شمر على يديه وبدي يحفر (بالفقير جاتوا الشمة الثانية وزاد الحقد في قلبوا ) حسن جبد ما فيها من زرع و قمح كان مدفون في المطمورة او النطفية كيما كي سميوها ...

دازت الايام وشاف النور عند حسن أطفال منهم محمد و الام ديالي و عمر و الحسين بالاضافة الاخرين ماتوا بسبب الضعف الخدمات الصحية في تلك الفترة من تاريخ المغرب وتوفاة جداتي بسبب الولادة لي كا تكون في الدار و خلات للام ديالي  توئم لي توفاو من بعد في ضروف خاصة .... وتزوج حسن وعاود تزوج ...

نرجعوا لي "عمر" لي كبر كيما قلنا و أصبح طالب في الكلية العسكرية و مستقبلة واعد ... ءالا أن الحسد و الرغبة في الانتقام كيما عقلتوا (أحمد بالفقير ) لي ولدوا هو الصديق العزيز لي عمر دازت الايام وقرب التخرج وعرض ولد بالفقير على عمر للغداء و كان يوم سخون وكلوه "سم بلدي" لي هي كانت طريقة عادية للموت البطيء و المؤلم لدرجت أنه كان كي تقيئ الامعاء ديالوا ...

للافادة السم كان عبارة عن تركيبة من بوبريص ميت و مدقوق ممزوج بمواد ثانية الفاعلية ديال هد السم كانت كما قلت عي الموت البطييء...

بعد معانة كبيرة مع المرض سلم عمر السر للرفيق الأعلى حمل معاه ألم أب و كان التشفي و الفرحة في قلب القاتل لأنه حقق أنتقاموا لمجرد استرداد حق وءازهاق نفس بريئة و النفس عند الله غالية بزاف ...

مني سألت الام ديالي هلى داك الناس قالت لي راهم كاي طيبوا دنيا قبل الاخرة و تفكرت هده الكلمة البسيطة ||||الله يمهل ولا يهمل وحسبي الله و نعم الوكيل|||

العبرة يا لناس من هده الحكاية لاتقوا في من كان عدوك واخا يبدل ليك دنيا عسل

الى أخي الصغير بوبكر  و كل القراء لهده المدونة البسيطة