Petit souvenir Episode IV [Arabe]

mise a jour :

Lien des precedentes publications :


petit souvenir : episode II [Arabe]

Petit souvenir Episode III [Arabe]

un petit souvenir d'enfance [ecrit et narraté par mon frere {arabe} ]

قصايص

بلادي

ربيعة العروسة

في يوم من الأيام في مكان بنواحي مراكش كان أب فلاح عندوا 9 أولاد منهم لي تزوج منهم لي باقي عزري ... من أولاد ديال هذ الفلاح كان محمد طاموا الحسين و إدريس و سلام و فاطمة و حبيبة بالتتابع من الكبير تال الصغير ... فكرر ولدوا محمد يتزوج وكتاب ليه و خطب وجاب ربيعة من قرية قريبة ليه جات مبينة راسها بنت نية سكوتية  أو بحالها ماكاين (الحية في توب حمامة ) دازت الايام محمد كابت ليه خدمة في فرنسا ولكن ماداش معاه ربيعة بغا والادوا يترباوا في كنف جدهم و يخدوا على يديه أوصول تربية ديال الارض الام...

ولدات ربيعة ولدها لول و الثاني و البنت عي الثالتة و معها ولات ربيعة هي مولات الدار (مرات الأب الفلاح كانت سيدة ماقدة على صداع سكوتية فوق القياس تالبساتها ربيعة البردعة و وكلاتها الصباط) وبدأت تصول وتجول و دير لي بغات وطبعا نوعيك يا القاري أن مابين الأمور لي كانت شائعة في داك البلاد هو السحر فربيعة كانت تسلم بتلك الأمور الثقة العمياء ...

مرات السنين وكبروا الأطفال ديال محمد لي كان كي دخل كل عام يزور أهل ويجي و يجيب ولكن كانت السيدة ديالوا تلوح ليه الكلمة المسمومة (ولادك مالبسين واكلين مزيان ) و هو كان كل شهر يسفت فلوس للأب ربيعة لي كان كي قول ليه راني وصلت الامانة لي الزوجة ديالك (في الحقيقة كان كي ياكل مال داك الضعفى) وفي نفس الوقت كان الاب الفلاح ماكي خلي من جهدوا بلا مايعرف أن اءالابن كان كي سفت لي ولادو فلوس كانوا الابناء الاخرون ماكي قصروا من اءلاعانة للاب ديالهم خصوصا طاموا لي كانت تحيد من خبزها بش تعاون الاب الفلاح ...

ربيعة طلع ليها الحكام ديال الاب الفلاح في راس بدات تفكر باش التخلص منوا (كانت كتسمي مربي أولادها الحلوف) أو هي بمساعدت واحد البنت (الخدامة ديالها) لي كا تمشي عند المشعودين يصاوبوا ليها الحروز و الاعمال و الامور باش كترش الخ الى مافي ذالك ... حتى انها تسببت في خلق نزاعات بين الاب والابن على بعض الاملاك المشتركة  و دازت الايام حتى أصبح الابن بغا يخرج من داك الدار بسبب هدرت ربيعة و السحر لي كتصوب ليه فكان غايتها بعما سافر محمد لي بلاد المهجر فين يخدم قامت ربيعة بمايلي |

افرغ المنزل ديال الاب من كل الحتويات لي فيه

محاوت قتل الاب بحرقوا

نقل كل أهل الدار في المنزل الجديد و دون ترك ولا احد (قالت ليهم خليو الحلوف يموت بحدوا)

و في نفس الفترة كانت جابت فقيه سكناتوا عند الجار ديالهم لي ضل يكتب و طيح الطلامس على الجميع بحيت على حساب الروايات أن اولاد ديالوا ليكانوا عايشين معاه قاليك نساوا ان ليهم أب ...

[حسبي الله ونعم الوكيل أتذكر الراوي و الذموع تنزل من الجفون ديالوا على داك الحالة 

بقى الاب أسبوع كامل لاطعام ولاشراب و ماكلى حتى طعام الجيران لي كانوا تاي صفطوه ليه الى ان وصلات الاخبار لي بنتوا طاموا لي كانت بين راجلها لي عاد خارج من عملية جراحية و كان في أمس الحاجة للعناية ... جرات عند خوتها لي حداها في المدينة( تقول ليهم لحقوا باكم )  الوحيد لي ستاجب ليها هو الحسين لي سافر في الحين يلحق باه ...

للافادة أن هد الاخوة مشي ءاخوة شقايق

نكملوا, فاوصل الابن ولقى الاب ديالوا عايش غير بالماء و الخبز مايدمي القلب ...هبط لي ربيعة وقال ليها خلي مراة الاب ديالي تطلع ورفدات زوجة الاب تحت تهديد من ربيعة ...وبقى الحسين عند باه 3 أيام وبلغ المستجدات و قال ليها نوضي يا أختي نزوجوا ألأب ديالنا أما داك المرة مافيها خير (تايقولها و الحرقة في الصوت ديالوا) ناضت طاموا عيطات لي خوتها لي بقاوا في أخر مرة قبل لاتنوض طبق الفكرة ديال خوها ...جاو عندها و هددت أنها الى مارجعات مراة باهم لي دارها فغادي تزوجوا لمراة تانية تكون حريصة عليه...ناضوا داروا النفس و لحقوا على الحسين وجابوا ألم ديالهم لي الدار رغم عن الانف ديالها وديال ربيعة...

ربيعة ماوقفاتش عند هد الحالة بل الى أسوء نشرت العداوة بين الاب و الابن حتى ولوا في المحاكم و أصبح محمد عاق الاب ومرة الايام و توفى الاب الفلاح أو قلبوا كحل على ولدوا لي درجت أنه مني مات تاي قولوا أن فوموا خرج منوا دم بالفقصة

و فاق بعد فوات الاوان وهجر محمد البلاد والعباد و ولادو بقاوا بلا أب ولا جد و هادشي كولوا سبابوا مراة كانت جعانة من الدنيا تافرقات وكانت السبب في موت وشتات عائلة...

حسبي الله ونعم الوكيل