petit souvenir : episode II [Arabe]

Salam ...

apres   un petit souvenir d'enfance [ecrit et narraté par mon frere {arabe} ]   voila  une autre ;-)

Source : archive  autorisé a la publication sur  mon blog

------------------------debut-----------------------------

الحمام وأخوته

الحمام البلدي ديما نهار نجي لي تكون مدابزة و تقول بهال ءالا متافقين .

واحد النهار من أيام الله قلت مع راسي نوض كمد العضام وفصل المفاصيل ديالي يا سيدي أو سيدنا هو الله جمعت الصويك و هزيت عود الريح و انا نشد الطريق بيدل يا ما تبيدل تا وصلنا لي حي النهضة ءاوا خليت البشكليط عند صاحبي تا هو قاليك بغا يتكمد (من نحيت التكميدة غدي يتكمدوا ليه مزيان )  قلعنا الملابس وخدينا الصطولة (حنا نيت را ه صطولة ) المهم واحد شد البلاصة أو ثاني مشا للبرمة يجيب الماء ... بدينا نحكو حك يا ما تحك كن حكوا في داك شمبرير ديال جلدة شوية ندروا حك الندامة المهم أو حنا كن غسلوا كفسنا دخلوا شي أفارقة 6 تقريبا (قلت في نفسي الله يدير تاويل الخير جاني نوع من التشائم من وجودهم ) ءاوا كملنا قالنا نخرجوا نتبردوا نكملوا الشوط الثاني ... شويا من سمعوا الغوات الداخل (واع واع واع ) صاحبي حل الباب باش ندخلوا أو هو بيان ليتنا سطل طاير أو عباد الله هاربين (يااااااا ك لاباس يا خي قالينا واحد مشانق مع واحد في داك عوازا أو لي بقاوا كي ضربوا بصطولة ) المهم داك الحومة أنا عرفها نهار كتنود كولشي كاي قول ولد خالتي هداك (كولشي كي تسلح بشي حاجة ماضية ) و انا نقول لداك الولد يا الله نكملوا الغسيل في حمام ثاني هنا راه صافي ءالى بقينا غيدي يطيبوا جنابنا يا سيدي في داك روينة طلعنا لي الطاجة ثانية فيها الماء سخون كملنا داكشي لي كان ناقص و جمعها معنا البرد (كل يعطس في جيه ) مني هبطنا تلاقينا مع واحد ضحية مرفوع باينة فكوه من يديهم المهم الحمام ولا زنقة لدايز يدخل يشوف أش واقع ( قاليك واحد عيط للحناش  ¤البوليس¤ قالوا ليه هديك جيهة ما تبعاش لينا عيطوا لصحاب السابعة) ...

من بعد أيام من داكشي سولنا على السبب ديال داك المدابزة قاليك واحد بغى يقعد حدى البرمة أو قا ليهم سيروا خدوا الماء من الجيهة الثانية او واحد عاير ثاني أو هما فهموا كلاموا أو هي تبدى حرب السطولة و الشتيف على الا نسان و ما جاوهما

الخلاصة من هد الحكاية الحمام مبقيتش نمشي ليه فيه ناس ءالا ما نضت بيناتهم غدي ينوضوها معاك

غسلوا في ديوركم تا ءالا تزيرتوا سيروا وقت الغداء أولا سحور تا ءالا تلاقيتوا ما شي حد راه خوكم في الله هداك تا هو هارب من الزحام

كتبتها وانا قاعد كن تفكر اللذي مضى

----------------------------FIN----------------------------